Schëss zu Bouneweg
Géint 16 Auer koum et e Mëttwoch zu engem déidlechen Tëschefall zu Bouneweg, wéi en Automobilist ugeschoss gouf, well hien e Beamte wollt iwwerrennen.
Bei enger regulärer Kontroll wollt sech den Automobilist iwwer d’Diddenhuewener Strooss via de Rondpoint Richtung Bouneweger Kierch duerch d’Bascht maachen. Dobäi huet hien op e Polizist, deen aus sengem Auto geklomme war, fir de Mann unzehalen, duergehalen. De Beamten huet vu senger Déngschtwaff Gebrauch gemaach an op de Mann, deen eleng an sengem schwaarze Mercedes souz, geschoss. Zeie hu vun 3 bis 4 Schëss geschwat.
De Chauffeur gouf vun enger Kugel getraff, huet doropshin d’Kontroll iwwer säi Gefier verluer, ass laanscht d’Mauer vun engem Haus geschruppt an an e Bam gerannt. Op der Place Léon Xlll war d’Flucht domadder eriwwer.
Bei enger regulärer Kontroll wollt sech den Automobilist iwwer d’Diddenhuewener Strooss via de Rondpoint Richtung Bouneweger Kierch duerch d’Bascht maachen. Dobäi huet hien op e Polizist, deen aus sengem Auto geklomme war, fir de Mann unzehalen, duergehalen. De Beamten huet vu senger Déngschtwaff Gebrauch gemaach an op de Mann, deen eleng an sengem schwaarze Mercedes souz, geschoss. Zeie hu vun 3 bis 4 Schëss geschwat.
De Chauffeur gouf vun enger Kugel getraff, huet doropshin d’Kontroll iwwer säi Gefier verluer, ass laanscht d’Mauer vun engem Haus geschruppt an an e Bam gerannt. Op der Place Léon Xlll war d’Flucht domadder eriwwer.
Den Automobilist ass am Laf vum Nomëtteg u senge Blessure gestuerwen. De Parquet gouf op d’Plaz geruff an huet d’Generalinspektioun vun der Police mat den Ermëttlungen beoptraagt. Och d’Spuresécherung war op der Plaz.
